မနေ့ညက ကစားခဲ့တဲ့ အက်ဖ်အေဖလား ပြန်ကန်ပွဲစဉ်မှာတော့ အာဆင်နယ်အသင်းက ဟားလ်စီးတီးအသင်းကို လေးဂိုးပြတ်အနိုင်ရခဲ့သလို ချန်ပီယံလိဂ်မှာလည် ရီးရဲလ်မက်ဒရစ်က ရိုးမားအသင်းကို နှစ်ဂိုးဂိုးမရှိနဲ့ အနိုင်ရခဲ့ပြီး သက်ဆိုင်ရာဖလားပြိုင်ပွဲတွေရဲ့ နောက်တစ်ဆင့်စီကို တက်ရောက်နိုင်ခဲ့ကြပါတယ်။
အာဆင်နယ်အသင်းကတော့ ကမ်းဘဲလ် ၊ အိုင်ဝိုဘီ ၊ ဖလာမီနီ ၊ အယ်နန်နီနဲ့ ချိန်ဘာ့စ်တို့ကို ထည့်ကစားခဲ့ပြီး ဆန်းချက် ၊ အိုဇေးလ် ၊ ဘယ်လာရင်နဲ့ ရမ်ဆေးတို့ကို အနားပေးခဲ့ပါတယ်။ အာဆင်နယ်အသင်းကတော့ သူတို့ရဲ့ အဓိက ကစားသမားတွေကို အနားပေးထားခဲ့ပေမယ့်လည်း ဟားလ်စီးတီး ခံစစ်ကြောင်းကို အတော်လေးကို ခြိမ်းခြောက်နိုင်ခဲ့တာကိုလည်း တွေ့ရပါတယ်။
ပထမပိုင်းမှာတော့ နှစ်သင်းလုံး အပြန်အလှန်ကစားခဲ့ကြပြီး ဟားလ်စီးတီး နောက်တန်းလူပေးမှားရာကနေ တိုက်စစ်မှူး ဂီရော့ဒ်က မြေလိမ့်ဘောသွင်းယူပြီး ပွဲချိန် ၄၁ မိနစ်မှာ ဦးဆောင်ဂိုးကို ရယူပေးခဲ့ပါတယ်။ ဒုတိယပိုင်း ပွဲချိန် ၇၁ မိနစ်မှာတော့ တောင်ပံက ဝဲလ်ကော့တ်ရဲ့ ပေးပို့မှုကနေ ဂီရော့ဒ်က မြေမကျကန်သွင်းခဲ့ပြီး အာဆင်နယ်အတွက် ဒုတိယဂိုးကို သွင်းယူပေးခဲ့ပါတယ်။
ဒါပေမယ့်လည်း ဒီပွဲမှာ ဂါဘရီရယ်လ် ၊ မာတီဆက်ကာနဲ့ လူစားဝင်ကစားသမား ရမ်ဆေးတို့ ဒဏ်ရာတွေ ရခဲ့တာကြောင့် အာစင်ဝင်းဂါးအတွက်တော့ အကျပ်ရိုက်စရာ ကိစ္စတွေလည်း ဖြစ်ခဲ့ပါတယ်။
ရီးရဲလ်မက်ဒရစ် ၂-၀ ရိုးမား
နောက်ပိုင်းမှာ ခြေစွမ်းပြန်မှန်လာပြီး နိုင်ပွဲဆက်နေတဲ့ ရီးရဲလ်အသင်းကတော့ ရိုးမားအသင်းကို အိမ်ကွင်းမှာ သက်တောင့်သက်သာကစားပြီး ဧည့်ခံပေးခဲ့ပါတယ်။ ရော်နယ်ဒိုကတော့ သူ့ရဲ့ ဂိုး ၉၀ မြောက် ချန်ပီယံလိဂ်သွင်းဂိုးကို သွင်းယူပေးခဲ့ပြီး ဂိုး ၁၀၀ ပြည့်ကို မကြာခင် ကာလတွေမှာ မြင်ရတော့မယ်လို့ မီဒီယာတွေက ဆိုပါတယ်။
( Paing A K )
#သစ်ထူးလွင်(အားကစား)
#sports.thithtoolwin.com
Ref : UEFA , BBC
0 comments :
Post a Comment