မန်ယူအသင်းကခေါ်ယူဖို့ စိတ်ဝင်စားနေတယ်လို့ သတင်းတွေထွက်နေချိန်မှာ ပီအက်စ်ဂျီတောင်ပံကစားသမားလူးကပ်စ်မော်ရာက ဒီဇန်န၀ါရီမှာအသင်းကနေ ထွက်ခွာဖို့ရှိနေတယ်လို့ အတည်ပြုပြောကြားခဲ့ပါတယ်။
ဘရာဇီးညာတောင်ပံကစားသမားဟာ ပီအက်စ်ဂျီကို နေမာနဲ့ အမ်ဘတ်ပီတို့ရောက်ရှိလာကတည်းက အကန့်အသတ်နဲ့သာကစားခဲ့ရပါတယ်။ အခုရာသီမှာ ပြင်သစ်လီဂူး (၅)ပွဲသာကစားခွင့်ရရှိခဲ့ပြီး တစ်ဂိုးသွင်းခဲ့ကာ (၁)ကြိမ်ဖန်တီးနိုင်ခဲ့ပါတယ်။ လက်ရှိအချိန်မှာ မန်ယူအသင်းဟာ ပြောင်းရွှေ့ကြေးယူရို(၂၅)သန်းဝန်းကျင်နဲ့ မော်ရာကိုခေါ်ယူဖို့စိတ်ဝင်စားတယ်ဆိုပြီး သတင်းတွေထွက်နေပါတယ်။
ကစားသမားကိုယ်တိုင်ကလည်း အင်္ဂလန်ကိုပြောင်းရွှေ့ဖို့ရှိနေတယ်ဆိုပြီး အရိပ်အမြွက်ဖွင့်ဟခဲ့ပါတယ်။ လူးကပ်စ်မော်ရာက “ ဒီမှာဆက်နေဖြစ်မယ်လို့ မထင်ပါဘူး။ အင်္ဂလန်ပရီးမီးယားလိဂ်ကို ကျွန်တော်နှစ်သက်ပါတယ်။ အင်္ဂလိပ်လိဂ်ဟာ ကမ္ဘာပေါ်မှာပြိုင်ဆိုင်မှုအပြင်းထန်ဆုံးလိဂ်ပြိုင်ပွဲပါ။ ကျွန်တော်မိသားစုနဲ့လည်း ဆွေးနွေးသွားမှာဖြစ်ပါတယ်” လို့ပြောကြားခဲ့ပါတယ်။
Mocha
#sport.thithtoolwin.com
Ref
0 comments :
Post a Comment