လက်စတာကွင်းလယ် icon ကစားသမား မာရက်ဇ်ကတော့ ၂၀၁၅-၂၀၁၆ ရဲ့ ပရီးမီးယားလိဂ်ချန်ပီယံအသင်းကနေ ထွက်ခွာဖို့အချိန်ကျပြီလို့ပြောကြားလိုက်ပြီး လက်စတာစီးတီးကနေ ထွက်ခွာချင်နေတဲ့ ဆန္ဒကိုထုတ်ဖော်ပြောဆိုလိုက်ပါတယ်။လက်စတာစီးတီးတောင်ပံလူ မာရက်ဇ်ဟာ သူ့အနေနဲ့ စိန်ခေါ်မှုအသစ်တွေ ၊ အတွေ့အကြုံသစ်တွေ ရယူသွားဖို့ အချိန်ကောင်းဖြစ်နေပြီး ကင်းပါဝါကနေ ထွက်ခွာသင့်ပြီလို့ ယူဆနေတာပါ။
မာရက်ဇ်က " ကျွန်တော့်အနေနဲ့ လက်စတာကိုချစ်မြတ်နိုးပြီးလေးစားမှုရှိတာကြောင့်ကျွန်တော်ဒီမှာဆက်နေခဲ့ပါတယ်။ အခုကျွန်တော့်စိတ်ထဲမှာ အပြောင်းအလဲတစ်ခုတော့ လုပ်သင့်ပြီထင်နေတာကြောင့်ဒါကိုကလပ်အသင်းကို အသိပေးခဲ့ပါတယ်။
ဒါပေမယ့်ကျွန်တော်ကတော့ ရည်မှန်းချက်ကြီးကြီးထားပါတယ်။ အတွေ့အကြုံသစ်တွေ ရှာဖွေဖို့အချိန်ကျနေပြီလို့ခံစားရပါတယ်။ ကျွန်တော်လက်စတာအသင်းက လူတွေအားလုံးနဲ့ကောင်းမွန်တဲ့ မိသားစုလိုဆက်ဆံရေးရှိနေပြီး ကျွန်တော်ဒီမှာကစားခဲ့တဲ့ အတောအတွင်းမှာ အားလုံးရဲ့ယုံကြည်မှူကိုပြန်ပေးဆပ်နိုင်တယ်လို့ ထင်ပါတယ်။ " လို့ ပြောကြားခဲ့ပါတယ်။
ဆက်လက်ပြီး မာရက်ဇ်က "ကျွန်တော်လက်စတာမှာကစားနေစဉ်ကလပ်အသင်းကိုပရီးမီးယားလိဂ်ချန်ပီယံဖြစ်ရေးမှာ အစိတ်အပိုင်းတစ်ခုအနေနဲ့ပါဝင်ခဲ့ရလို့ ဂုဏ်ယူမိပါတယ်။ ကလပ်အသင်းနဲ့သာမကအံ့သြစရာအားပေးကြတဲ့ ပရိတ်သတ်တွေနဲ့ ဆက်ဆံရေးကိုလည်း တစ်သက်လုံးတန်ဖိုးထားနေပါမယ်။ သူတို့အားလုံးကျွန်တော့်ရဲ့ဆုံးဖြတ်ချက်ကိုနားလည်လက်ခံမယ်လို့မျှော်လင့်နေပါတယ်။" လို့ပြောကြားသွားခဲ့ပါတယ်။
ဒီနှစ်နွေရာသီမှာ လက်စတာကနေထွက်ခွာဖို့များသွားပြီဖြစ်တဲ့ မာရက်ဇ်ကိုတော့ ပီအက်စ်ဂျီအသင်းနဲ့ အာဆင်နယ်အသင်းတို့က ချိတ်ဆက်လျက်ရှိနေကြပါတယ်။
Mocha
#sport.thithtoolwin.com
Ref
0 comments :
Post a Comment