Powered by Blogger.

ဝက်စ်ဟမ်းတိုက်စစ်မှူး အန်ဒီကာရိုးလ် သေနတ်ဖြင့်ပစ်ခတ်ခံရမှုကို အင်္ဂလန်ရဲတပ်ဖွဲ့ စုံစမ်းနေ


နယူးကာဆယ်အသင်းနဲ့ လီဗာပူးလ်အသင်းတို့ရဲ့ တိုက်စစ်မှူးဟောင်းတစ်ယောက်ဖြစ်တဲ့ အင်္ဂလန်ကစားသမား အန်ဒီကာရိုးလ်ကို ဆိုင်ကယ်စီးနင်းလာတဲ့ သေနတ်သမားတွေက လိုက်လံပစ်ခတ်ခဲ့တာနဲ့ ပတ်သက်ပြီး အင်္ဂလန်ရဲတပ်ဖွဲ့က စုံစမ်းစစ်ဆေးမှုတွေ ပြုလုပ်လျက်ရှိနေတယ်လို့ သိရပါတယ်။

ကာရိုးလ်ဟာဆိုရင်တော့ လေ့ကျင့်ရေးကွင်းကနေ အိမ်အပြန်မှာ အခုလိုပဲ သေနတ်သမားတွေနဲ့ ရင်ဆိုင်ခဲ့ရတာဖြစ်ပြီး ဝက်စ်ဟမ်းအသင်းရဲ့ လေ့ကျင့်ရေးကွင်းဖြစ်တဲ့ Rush Green ဘက်ကို ကားကို ပြန်လှည့်ပြီး မောင်းပြေးခဲ့ရတယ်လို့ သိရပါတယ်။ ဝက်စ်ဟမ်းအသင်းရဲ့ ပြောရေးဆိုခွင့်ရှိသူကတော့ ဒီဖြစ်ရပ်ပေါ်ကို တင်းတင်းကြပ်ကြပ်စစ်ဆေးလျက်ရှိနေတယ်လို့ ပြောပါတယ်။ အန်ဒီကာရိုးလ်ကတော့ လက်မတင်လေး ဘေးကင်းခဲ့ပြီး ကံကောင်းခဲ့ပါတယ်။

ဒူးဒဏ်ရာကနေ ပြန်လည်သက်သာလာတဲ့ အင်္ဂလန်လက်ရွေးစင်တိုက်စစ်မှူးဟောင်း ကာရိုးလ်ဟာဆိုရင်တော့ ဝက်စ်ဟမ်းအသင်းအတွက် မကစားပေးနိုင်တာ အချိန်ကြာမြင့်နေပါပြီ။ ရာသီအစကရင်း အနားယူနေရတဲ့ ကာရိုးလ်ဟာဆိုရင်တော့ ၂၀၁၃ ခုနှစ်အတွင်းမှာ လီဗာပူးလ်အသင်းကနေ ဝက်စ်ဟမ်းအသင်းကို ပေါင် ၁၅ သန်းနဲ့ ပြောင်းရွှေ့ခဲ့ပြီး ၃၈ ပွဲသာ ပွဲထွက်ကစားရသေးတယ်လို့ သိရပါတယ်။

( Beauty Syh )

#သစ်ထူးလွင်(အားကစား)
#sports.thithtoolwin.com

Ref : BBC

Share on Google Plus

About Staff Writer

သစ်ထူးလွင် အားကစားဆိုဒ်သည် မြန်မာနှင့် ကမ္ဘာ့အားကစား သတင်းများကို အချိန်နှင့် တပြေးညီ ဖေါ်ပြပေးသည့် ဆိုဒ်တစ်ခုဖြစ်သည်။ အားကစားကဏ္ဍတွင် စိတ်ပါဝင်စားသဖြင့် ဆောင်းပါးရေးသားချင်သူများ ဆက်သွယ်နိုင်ပါတယ်
    Blogger Comment
    Facebook Comment

0 comments :

Post a comment