မနေ့ညက ကစားခဲ့တဲ့ ချယ်လ်ဆီးအသင်းနဲ့ လီဗာပူးလ်အသင်းတို့ရဲ့ ပွဲစဉ်အပြီးမှာတော့ ဘောလုံး တင်ဆက်သူတစ်ယောက်ဖြစ်တဲ့ လီဗာပူးလ် နောက်ခံလူဟောင်း ကာရေဂါက ချယ်လ်ဆီးအသင်းရဲ့ နောက်တန်းကစားပုံကို ဝေဖန်လိုက်ပါတယ်။
ကာရေဂါဟာဆိုရင်တော့ လီဗာပူးလ်နောက်ခံလူ လိုဗရန်ရဲ့ ဦးဆောင်ဂိုးကို ချယ်လ်ဆီးအသင်းနောက်တန်းတွေ လွယ်လွယ်ခွင့်ပြုလိုက်ရတာကို အဓိက ထောက်ပြသွားခဲ့တာပါ။
ကော်တင်ဟိုရဲ့ သေသပ်တဲ့ ဖြတ်တင်ဘောကို marking လွတ်နေတဲ့ အနေအထားကနေ လိုဗရန်က ကန်သွင်းဦးဆောင်ခဲ့ပြီး လီဗာပူးလ်အသင်းရဲ့ ဒုတိယဂိုးကိုလည်း အသင်းခေါင်းဆောင် ဟန်ဒါဆန်က ဂိုးဧရိယာ အပြင်ဘက်ကနေ လှလှပပ အပြင်းကန်သွင်းရယူပေးခဲ့တာပါ။
ချယ်လ်ဆီးအသင်းကတော့ မိနစ်ခြောက်ဆယ်မှာ တိုက်စစ်မှူးကော်စတာရဲ့ ချေပဂိုးတစ်ဂိုးပြန်လည် ရယူနိုင်ခဲ့ပြီး လက်ကျန်ပွဲချိန်တွေမှာ ရလဒ်ကို ပြောင်းလဲနိုင်ခဲ့ခြင်းမရှိခဲ့တာကြောင့် အမှတ်ပေးဇယားကို ထိပ်ဆုံးနေရာကနေ ဦးဆောင်နိုင်မယ့် အခွင့်အရေးကောင်းကို လက်လွတ်လိုက်ရတာဖြစ်ပါတယ်။
ကာရေဂါကတော့ ပထမပိုင်းအပြီး သုံးသပ်မှုမှာ “ကျွန်တော် နားမလည်နိုင်တာက ချယ်လ်ဆီးနောက်တန်းကစားပုံကိုပါပဲ။ သူတို့သာ ဇုန်လိုက် marking နဲ့ တစ်ယောက်ချင်း marking ကို သေချာ လုပ်နေမယ်ဆိုရင် လိုဗရန်ရဲ့ဂိုးကို အခုလို လွယ်လွယ်နဲ့ ခွင့်ပြုပေးရမယ်လို့ မထင်ပါဘူး။ နောက်တန်းကစားသမားတွေရဲ့ စွမ်းဆောင်ရည်ကို အံ့အားသင့်မိပါတယ်” လို့ ပြောကြားခဲ့တာပါ။
ချယ်လ်ဆီးအသင်းကတော့ ဒီပွဲမှာ အသင်းခေါင်းဆောင်နောက်ခံလူ တယ်ရီမပါဝင်ခဲ့လို့ နောက်တန်းဦးဆောင်မှုပိုင်းမှာ နားလည်မှုတွေ လွဲနေခဲ့ပြီး ဂယ်ရီကာဟေးလ်နဲ့ ဒေးဗစ်လုဇ်တို့ရဲ့ ဗဟိုခံစစ်က အမှားများနေခဲ့တာကို တွေ့ရပါတယ်။ ဂိုးသမား ကော်တိုအာရဲ့ လက်စွမ်းပြမှုကြောင့်သာ နှစ်ဂိုးသာခွင့်ပြုခဲ့ရတာဖြစ်ပြီး နည်းပြ ကွန်တီကတော့ ချယ်လ်ဆီးအသင်းရဲ့ နောက်တန်းလိုအပ်ချက်ကို လာမယ့်ပွဲတွေမှာ အကောင်းဆုံးအနေအထားနဲ့ ပြန်လည် ပြင်ဆင်သွားဖွယ်ရှိနေပါတယ်။
( Beauty Syh )
#sports.thithtoolwin.com
#သစ်ထူးလွင်(အားကစား)
Ref : Mirror
0 comments :
Post a Comment