မန်စီးတီးအသင်းရဲ့ နည်းပြ Manuel Pellegrini ကတော့ အကယ်လို့ သူဟာ ယခုရာသီမှာ ပရီးမီးယားလိဂ်ဖလားကို ရယူနိုင်ခဲ့မယ်ဆိုရင်တောင် အနာဂတ်နည်းပြနေရာအတွက် အာမခံချက်မရှိနိုင်ဘူးလို့ ပြောပါတယ်။ အခုအချိန်မှာတော့ ပရီးမီးယားလိဂ်ကို လာရောက်နည်းပြမယ်ဆိုတဲ့ ဘိုင်ယန်မြူးနစ်နည်းပြ Guardiola ကို ခေါ်ယူဖို့အတွက် မန်စီးတီးအသင်းက အစွမ်းကုန်ကြိုးစားလျက်ရှိပါတယ်။ ဒါ့ကြောင့်လည်း မန်စီးတီးလက်ရှိနည်းပြ Pellegrini က အခုလို ပြောလိုက်တာဖြစ်တယ်လို့ ထင်ရပါတယ်။
ဒါပေမယ့် Pellegrini ဟာ သူ့အနေနဲ့တော့ အနာဂတ်ကို အသင်းပိုင်ရှင်တွေ ဆုံးဖြတ်သလိုသာ ခံယူရမှာဖြစ်တယ်လို့လည်း ပြောပါတယ်။
" ကျွန်တော် သာမန် မန်နေဂျာတစ်ယောက်အနေနဲ့ပြောရမယ်ဆိုရင်တော့ ဆုဖလားရရှိမှုက အနာဂတ်ကို ဆုံးဖြတ်ပေးနိုင်တယ်လို့ ပြောမိမှာပါပဲ။ ဒါ့ကြောင့် ပရီးမီးယားလိဂ်ချန်ပီယံဆုက ကျွန်တော့်အတွက် အရေးပါလွန်းပါတယ်။ ကျွန်တော် အသင်းနဲ့အတူ ချန်ပီယံဆုကို တစ်ကြိမ်ရဖူးခဲ့တယ်။
အဲ့ဒါကြောင့် အသင်းနဲ့ သက်တမ်းတိုးစာချုပ်ချုပ်ဆိုနိုင်ခဲ့တာပါ။ "
" အသင်းပိုင်ရှင်တွေ အားလုံးက ချန်ပီယံဆုဖလားတွေကို ဆာလောင်ကြတယ်။ နည်းပြတွေကတော့ တစ်ပွဲချင်းစီရဲ့ ရလဒ်ကို ပိုမက်မောကြတယ်။ ကျွန်တော်အကယ်လို့များ ပရီးမီးယားလိဂ်ဖလားရယူနိုင်ခဲ့ရင်တောင်မှ ရှိသမျှဖလားကို သိမ်းကြုံးယူနိုင်တဲ့သူတစ်ယောက်ကို နေရာပေးတတ်တယ် " လို့ Manuel Pellegrini က ပြောပြခဲ့ပါတယ်။
မန်စီးတီးအသင်းဟာ ကတ်ပီတယ်ဝမ်းဖလား ဆီမီးဖိုင်နယ် ပထမအကျော့ပွဲစဉ်အဖြစ် အဲဗာတန်အသင်းနဲ့ ကစားခဲ့ပြီး နှစ်ဂိုးတစ်ဂိုးနဲ့ ရှုံးနိမ့်ခဲ့ပါတယ်။
( Paing A K )
#သစ်ထူးလွင်(အားကစား)
#sports.thithtoolwin.com
Ref : Goal.com
0 comments :
Post a Comment