Powered by Blogger.

နည်းပြ Guardiola နဲ့ ရှုပ်ထွေးနေအုံးမယ့် အနာဂတ်





ဒီစပိန်သားနည်းပြကတော့ ဘိုင်ယန်မြူးနစ်အသင်းနဲ့ လာမယ့်နွေမှာ စာချုပ်သက်တမ်းကုန်တော့မှာပါ။ ငယ်ငယ်ရွယ်ရွယ်နဲ့ အောင်မြင်မှုတွေ ရယူနိုင်နေတဲ့ ဒီနည်းပြကို အမဲဖျက်သလို ဝိုင်းဆွဲကြဖို့ အသင့်စောင့်နေတာကတော့ ပရီးမီးယားလိဂ်အသင်းတွေပါ။ သူကတော့ သူ့ရဲ့အနာဂတ်ကို မကြာခင်မှာ ထုတ်ဖော်ပြောကြားမယ်လို့ ပြောကြားထားပါတယ်။ သူဟာ မန်စီတီး ၊ မန်ယူ ၊ ချယ်လ်ဆီးစတဲ့ အသင်းတွေကိုလည်း ပြောင်းရွှေ့သွားနိုင်သလို အလိုင်းယန့်အရီနာမှာလည်း ဆက်နေသွားဖို့ အလားအလာတွေလည်း ရှိနေပါတယ်။

လာမယ့်တနင်္ဂနွေနေ့မှာ ဘာဗေးရီးယန်းအသင်းနဲ့ စပိန်သားတို့ကတော့ အနာဂတ်ကို ဆုံးဖြတ်ဖို့အတွက် အစည်းအဝေးတစ်ခုပြုလုပ်သွားမယ်လို့ ထုတ်ဖော်ပြောကြားထားပါတယ်။ ဒီကိစ္စရပ်ဟာ ပဟေဠိဆန်လွန်းတယ်လို့ ထင်ရပြီး ဘယ်သူမှ အတိအကျမပြောနိုင်တဲ့ အနေအထားမှာ ရှိတယ်လို့ Sky Sports က သုံးသပ်ပါတယ်။

Guardiola ဟာ ဘာစီလိုနာကနေ ဘိုင်ယန်မြူးနစ်ကို ပြောင်းရွှေ့လာတုန်းကလည်း သူ့ရဲ့ဆုံးဖြတ်ချက်ကို ဘယ်သူကမှ မသိခဲ့ရပဲ လျို့ဝှက်စီစဉ်ခဲ့တာပါ။ ဒါ့ကြောင့် အခုအခြေအနေဟာလည်း ဘာစီလိုနာအသင်းကနေ Guardiola  ပြောင်းရွှေ့ခဲ့သလို တိတ်တဆိတ်အနေအထားတစ်ခုနဲ့ ဘာမဆိုဖြစ်သွားနိုင်တယ်လို့လည်း သုံးသပ်နေကြပါတယ်။ ဒါ့ကြောင့် နည်းပြ Guardiola ရဲ့ အနာဂတ်ကတော့ သူကိုယ်တိုင်ဆုံးဖြတ်မှပဲ အသေအချာသိရမှာပါလို့ ပြောပါတယ်။



(Paing A K)

#သစ်ထူးလွင်(အားကစား)
#sports.thithtoolwin.com


Ref : Sky Sports
Share on Google Plus

About Staff Writer

သစ်ထူးလွင် အားကစားဆိုဒ်သည် မြန်မာနှင့် ကမ္ဘာ့အားကစား သတင်းများကို အချိန်နှင့် တပြေးညီ ဖေါ်ပြပေးသည့် ဆိုဒ်တစ်ခုဖြစ်သည်။ အားကစားကဏ္ဍတွင် စိတ်ပါဝင်စားသဖြင့် ဆောင်းပါးရေးသားချင်သူများ ဆက်သွယ်နိုင်ပါတယ်
    Blogger Comment
    Facebook Comment

0 comments :

Post a comment